"paebathon pahompu"

Ah tahe bah..songon na hansit sude angka dagingon..Alana nunga sian tolu ari nasalpu, loja marhobas, alana adong ito nami na naeng paebathon anakna tu ompungna. Tontu, iba sebagai boru, ba ingkon ma dohot marhobas..Alana, molok di halak Batak, boru do na loja di dapur, molo mar ulaon ito, manang hula-hulaniba..Parjolo, dang pola mangantusi ahu, aha nanidok ni "paebathon pahompu tu ompungna", memang songon naso biasa do hubege hata sisongoni.. Jadi, marpanukkun ma ahu tu inanguda, tempat nami mangalompa angka sipanganon na hombar tu ulaoni, "ai hira2 songon dia ma huroa inanguda ulaoni?" Songon na hurang jelas do na nipatorang ni inangudai, alai nunga huantusi sasaotik.. Morsogot nai, pas parnakkok ni mataniari, mulai ma ulaon i..(Biasa molo di adat ni halak Batak, ingkon pas parnakkok ni mataniarii do ulaon).. Dung huparrohahon sude ruhut ni ulaoni, mangattusi ma au di nanidokna Paebathon pahompu..Ima, mamboan anak (biasana anak siakkangan, manang anak parjolo, manang pahompu parjolo ni ompungi), diboan ma tu jabo ni ompung na (Natua-tua ni Oma), asa dijaloma pohompui gabe keluarga besar disi, jala mangalean ulos jala hata2 nadenggan ma angka na martugas di ulaoni..dung sae ulaoni, mangan ma sude angka naro di ulaoni, jala laos mambagi jambar ma tudos tu jambar na be.. O...o.. songonon do hape na nidok na paebathon pahompu.. Sanga muse do dang huboan mandarhu, alana hurippu do ulaon biasa, hape sude angka ina-ina naro marmandar... toe ma tahe..angka parsiajaran ma tu jolo niari on...Tung pasrsiajaran na mararga ma na hudapoton, boi marpungu rap dohot  akka dongan sa ulaon..
Horas...!